ரேஷன் கார்டில் குழந்தை பெயர் சேர்க்க - ரேஷன் கார்டில் குழந்தை பெயர் சேர்ப்பது என்பது மிகவும் சுலபமான விஷயம் தான். அதனை நீங்கள் வீட்டில் இருந்தும் அல்லது தனியார் சேவை மையங்களிலும் எளிதாக பெயர் சேர்க்கலாம். பொதுவாக ரேஷன் கார்டில் வீட்டு குடும்பத்தார் பெயர் மட்டும் தான் இருக்கும். அதற்கு பிறகு பிறந்த குழந்தை பெயர் சேர்த்து ஆக வேண்டும். எந்த ஒரு பெயரும் நீக்க சேர்க்க திருத்த Tnpds இணையதளம் தான் செல்ல வேண்டும்.
1. Tnpds இணையதளத்தில் மின்ணணு அட்டை தொடர்பான சேவைகளில் உறுப்பினரை சேர்க்க என்பதை தேர்வு செய்து உங்கள் 10 இலக்க ஏற்கனவே பதிவு செய்த தொலைபேசி எண்ணை கொடுக்கவும்.
2. கொடுத்த பின்னர் உங்கள் எண்ணிற்கு OTP ஒன்று வரும். அதனை 300 வினாடிக்குள் கொடுக்கப்படும் கட்டத்தில் என்டர் செய்யவும்.
3. அதில் உங்கள் குடும்பத்தில் உள்ள மொத்த விவரங்கள் இருக்கும். அதாவது நீங்கள் ரேஷன் அட்டையில் சேர்த்து இருக்க கூடிய நபர்கள். உதாரணமாக பெயர், குடும்ப அட்டை எண், நியாய விலை குறியீடு மற்றும் ஆதார் அட்டை இணைப்பு எண் போன்றவைகள் இருக்கும்.
இதையும் படிக்கலாமே: ரேஷன் கார்டு பெயர் சேர்த்தல்
4. உங்கள் குடும்பத்தின் தலைவர் உறுப்பினர்கள் அனைவரின் விவரங்கள் அடங்கி இருக்கும்.
5. கடைசியாக குடும்ப உறுப்பினர் சேர்க்க அவரின் விவரங்களை கேட்கும். பிறகு ஆதார் அல்லது பிறப்பு சான்றிதழ் இதில் ஏதாவது ஒன்றை இணைக்கப்பட வேண்டும்.
குறிப்பு
பிறந்த குழந்தைகளுக்கு ஆதார் எண் கட்டாயமில்லை. அதனால் பிறந்த சான்றிதழை அதில் இணைத்தால் உங்கள் கோரிக்கை நிறைவேற்றப்பட்டுவிட்டது என்பது போல் காண்பிக்கும். எப்படி பார்த்தாலும் 20 நாட்கள் மேலேயே உறுப்பினர் சேர்க்கை ஆகும். குடும்ப அட்டை உறுப்பினர் சேர்க்கை முடிந்த உடன் அட்டை பிறழ்வுகள் சென்று மறுபதிப்பு தேர்வு செய்து புதிதாக அட்டையை ரூபாய் 20 செலுத்தி உங்கள் ஊரில் உள்ள தாலுகா அலுவலகத்தில் வாங்கி கொள்ளுங்கள்.
இதையும் படிக்க: ஆதார் கார்டு மிஸ்ஸிங்
6. எல்லா படிகளையும் முடித்த பின்னர் குறிப்பு எண் ஒன்று வழங்கப்படும். இந்த குறிப்பு எண் எல்லாவற்றுக்கும் பயன்படும். அந்த குறிப்பு எண்ணை ஒரு 15 நாளில் இருந்து 30 நாட்களுக்கள் Tnpds முகப்பு பேஜ்க்கு சென்று பார்த்தால் அட்டை நிலவரம் தெரிந்து கொள்ளுங்கள். அப்படி முழுவதுமாக விண்ணப்பம் உள்ள நிலையில் டவுன்லோட் செய்து கொள்ளுங்கள். அந்த விண்ணப்பம் எடுத்து கொண்டும் தாலுகா அலுவலகம் சென்று உங்கள் புதிய அட்டையை பெற்று கொள்ளலாம்.